14.09c
Երեվան
կրկ, նմբ 15
Հայաստանը Պաղեստինի Անկախութեան օրուան առիթով խաղաղութիւն եւ բարգաւաճում մաղթած է Պաղեստինի ժողովուրդին։ Ի պատասխան՝ Երեւանի մէջ Իրանի դեսպանութիւնը շնորհակալութիւն յայտնած է հայկական կողմին՝ Պաղեստինի ժողովուրդին նկատմամբ ցուցաբերած համերաշխութեան համար։
«Հայաստանը Պաղեստինի կառավարութեան եւ բարեկամ ժողովուրդին կը մաղթէ խաղաղութեան հաստատում եւ բարգաւաճ ապագայ», նշուած է Հայաստանի արտաքին գործոց եւ միջազգային առեւտուրի նախարարութեան՝ X ընկերային ցանցի պաշտօնական էջին վրայ հրապարակուած շնորհաւորական ուղերձին մէջ։
Երեւանի մէջ Իրանի դեսպանութիւնը վերահրապարակած է հայկական կողմին ուղերձը՝ ընդգծելով, թէ Թեհրան բարձր կը գնահատէ Հայաստանի համերաշխութիւնը Պաղեստինի ժողովուրդին հետ։
«Իրանը կը շարունակէ զօրակցիլ Պաղեստինի ժողովուրդին՝ ինքնորոշման, ազատութեան եւ անկախութեան անքակտելի իրաւունքներուն», յայտարարած է Իրանի դիւանագիտական ներկայացուցչութիւնը։
