21.09c
Երեվան
երկ, սպտ 16
Երեւանի աւագանիի «Քաղաքացիական պայմանագիր» խմբակցութիւնը կ'ուզէ վաղաժամկէտ դադրեցնել «Ազգային առաջընթաց» խմբակցութեան ղեկավար Գրիգոր Երիցեանի եւ «Հանրային ձայն» խմբակցութեան անդամներ Անուշ Խուդավերդեանի ու Անուշ Գինոսեանի լիազօրութիւնները: Այս մասին կը տեղեկանանք Երեւանի քաղաքապետարանի պաշտօնական կայքէն։
Նախագիծերն ընդգրկուած են աւագանիի՝ 10 սեպտեմբերի հերթական նիստի օրակարգին վրայ:
Հիմնաւորման մէջ նշուած է, որ Իրաւական հարցերու մշտական յանձնաժողովի անդամ հանդիսացող Գրիգոր Երիցեան յանձնաժողովի 7 նիստերէն միայն մէկ նիստին ներկայ եղած է, իսկ աւագանիի 5-րդ գումարման երկրորդ նստաշրջանի ընթացքին 5 նիստերէն դարձեալ միայն մէկ նիստին մասնակցած է:
Ինչ կը վերաբերի Անուշ Խուդավերդեանին եւ Անուշ Գինոսեանին, նշուած է, որ անոնք բացակայած են աւագանիի նիստերու քուէարկութիւններու կէսէն աւելիէն:
