Հայու ազգային ռազմական ,գիտական եւ տնտեսական ուժն է որ պիտի պարտադրէ այդ խաղաղութիւնն ու սահմաններու ապահովութիւնը ։ Ուրիշ ելք չկայ ։
Այժմեան վարչակարգի գործելակերպը մուրացիկի վարմունք է :
Եւ ներկայ խաղաղութեան գործընթացը հայութեան եւ Հայաստանի անձնատուութիւն է ցնդաբանութեան վրայ հիմնուած։
Պարտուած ,ստորացած ,արժեզրկուած Հայաստանի վարչակարգը որ ներկայիս անկազմակերպ ,առանց ռազմական եւ քաղաքական կարողութեան կը խօսի «Խաղաղութեան» մասին , առանց իմանալու թէ ի ՞ նչ է անոր իմաստն ու արժէքը ։
Բարոյազրկուած վարչակարգ մը որ հայութիւնը յուսալքութեան եւ ներքին պառակտման ու հոգեկան ընկճուածութեան առաջնորդեց , իր ապիկար , մեծամիտ ու անհանդուրժող վարմունքով ազգը առաջնորդեց ճգնաժամային դրութեան :
Իր պաշտօնը պահելու համար ներկայ վարչակարգը որոշած է երթալ ամէն տեսակ զիջումի եւ ստորացման , միաժամանակ հրաժարելով մեր պապենական հողերէն :
Անցեալ 4 տարիներուն այս վարչակարգը հայութեան պատճառեց , 2 պատերազմներու միջոցով ,հսկայական հողային կորուստներ , 5000 Հայ երիտասարդներու սպաննութիւն,
100 Միլիարդ դոլարի ենթակարոյցի վնաս եւ Հայաստանի սահմաններէն ներս թշնամիի ներթափանցում :
Ներկայիս այս վարչակարգը իր գոյութիւնը պահելու համար կ՜ուզէ զիջիլ այն որ համայն Հսյութեան կը պատկանի :Այո ՜ այն հողատարածքը որ միջազգայնօրէն հայութեան յատկացուած էր 1920- ին League of Nations-ի յայտարարութեամբ եւ քարտէզով : Որ է՝ Հայաստանի հողատարածքի 162.000 ՔԿՄէն 132.000-ը ծուարելով 29800ՔԿՄ-ի մէջ ։
Ինքնահաւան եւ անհեռատես Լ. Տէր Պետրոսեանը հրաժարեցաւ իրաւայաջորդ հռչակել 1991-ին Հայաստանի հանրապետութիւնը եւ սահմանեց ՀՀ Սովետական վարչարարական 29.800 ՔԿՄ սահմանի մէջ ։ Ինչո ՞ւ: Որովհետեւ առաջին հսնրապետութիւնը դաշնակցական է ՞ր եւ ինքը
հակադաշնակցական կամ հաճոյանալու Թուրքիո ՞յ , քանի որ ՀՀ անկախութիւնը առաջին ճանչցող հանրապետութիւնը Թուրքիան էր ։
Կամ Սխալ որոշում է ՞ր :Որեւէ մէկը յստակ պատասխան չի տար այս հարցերուն :
Ապա Ռ.Քոչարեան ,Ս.Սարգսեան եւ Ն.Փաշինեան ինչո ՞ւ այդ «Անմիտ սխալ»ը չսրբագրեցին ։
Ապազգային եւ բթամիտ վարմունք մը որ հայութիւնը հասցուց ներկայ ճգնաժամին :
Ներկայ վարչակարգը կ՝ուզէ համոզել հայութիւնը որ հրաժարի ,
1-7 Շրջաններէն ,
2-Արծուաշէնէն,
3-Նախիջեւանէն,
4-Դաշտային Ղարաբաղէն:
5-Ապա Թուքիոյ հետ այդ «Խաղաղութեան պայմանագրի հաստատումի» համար պիտի հրաժարի Կարսէն ,Արտահանէն ,Իգտիրէն եւ Սուրմալուէն։
6- Ուիլսընեան իրաւարար վճիռով Հայութեան յատկացուած 90.000 ՔԿՄ Վանի ,Պիթլիսի,Կարինի(Էրզրումի) եւ Տրապիզոնի նահանգներէն ։
7- Անկասկած նաեւ Հայոց Ցեղասպանութեան պահանջատիրութենէն եւ վնասուց հատուցումէն ։
Եթէ Հայաստանի վարչակարգ մը նման զիջումով անձնատուութեան երթայ արժանի է ՞ հայութիւնը ներկայացնելու ։
Հայութիւնը նման ստորացում չի կրնար ընդունիլ կամ նման ստորացումով ապրիլ :
Հայութիւնը պիտի հնարք գտնէ գերարդի զէնքերու տիրանալ ոչ միայն պաշտպանողական այլ յարձակողական յատկութիւններով զսպելու եւ սանձելու համար թէ Ազերին եւ Թէ Թուքին : Ի հարկին հարուածելու իրենց գոյութենական կեդրոնները որպէս զի «Խելքերնին գլուխնին գայ» եւ գիտնան ուրիշի իրաւունքը յարգել ։
Հայը պիտի սորվի պաշտպանողականութենէ անցնիլ յարձակողապաշտութեան, որպէս զի գոյատեւէ Գայլի եւ Բորենիի հետ «Հարեւանութեամբ գոյատեւել» ,ԱՌԱՆՑ ԶԻՋՈՒՄԻ ։
Եթէ ներկայ վարչակարգը իր մտածելակերպը չ՜ուզեր փոխել ,աւելի լաւ է հեռանայ ։
Քանի որ Հայը ստորացած ,զինաթափուած եւ ազերիի ստրկացած չի կրնար ապրիլ ։
Ոչ ազերին եւ ոչ թուրքը հայու ապրիլը չեն նախատեսեր այլ անոր բնաջնջումը կ՜ուզեն ։Քու բնաջնջումը ուզող երկրի հետ խաղաղութեան պայմանագիր կնքելու մասին մտածելը անբանութիւն է ։
Հայու ազգային ռազմական ,գիտական եւ տնտեսական ուժն է որ պիտի պարտադրէ այդ խաղաղութիւնն ու սահմաններու ապահովութիւնը ։ Ուրիշ ելք չկայ ։
Այժմեան վարչակարգի գործելակերպը մուրացիկի վարմունք է :
Եւ ներկայ խաղաղութեան գործընթացը հայութեան եւ Հայաստանի անձնատուութիւն է ցնդաբանութեան վրայ հիմնուած ։
Դոկտ. Յակոբ Այնթապլեան