13.09c
Երեվան
հնգ, հկտ 01
Թուրքիա-(«Թուրք-փրէս»- Պոլիս)- HDP-ի Առաջնորդ Սալահէլտին Տէմիրթաշ, որ շաբաթներ առաջ Մոսկուա այցելեց, ռուս պատասխանատուներէն պահանջած է յատուկ արդիական հրթիռներ: Այս մասին կը գրէ «Թուրք-փրէս»ը, որ նաեւ կը յայտնէ, թէ Տէմիրթաշ Ռուսաստանէն խնդրած է (AT-14) տեսակի հակա-հրասայլային հրթիռներ՝ զանոնք PKK-ին յանձնելու համար: Աղբիւրը նաեւ կ'աւելցնէ, որ թրքական մամուլին մէջ տարածուած է այն միտքը, որ Տէմիրթաշ օգտագործած է երկիրներու միջեւ եղած ճգնաժամը, նման պահանջք մը ներկայացնելու ի խնդիր: Աղբիւրը կը նշէ նաեւ, որ Տէմիրթաշի հետ հանդիպման ընթացքին Լավրով կատարած է հաստատումներ, թէ իր երկիրը քիւրտերու կողքին պիտի ըլլայ եւ աջակցի անոնց ազատութեան ձեռքբերման համար:«Թուրք-փրէս»ը կը նշէ նաեւ, որ (AT-14) հակա-հրասայլային հրթիռները, որոնք արտադրուած են 1994-ին, 27 քկ. կը կշռեն եւ անոնց հասողութիւնը կը հասնի մինչ 5 քիլոմեթր: Աղբիւրը նաեւ կը նշէ, որ այդ հրթիռները կ'օգտագործուին տարբեր երկիրներու, ինչպէս՝ Յունաստանի, Սուրիոյ, Հնդկաստանի եւ Իրանի կողմէ:
