16.09c
Երեվան
հնգ, նմբ 05
Գանատայի մէջ իր մահկանացուն կնքած է Պետրոս Թաթուլեան: Այս մասին տեղեկութիւնը ստացանք հանգուցեալի հարազատներէն: Պետրոս Թաթուլեան ծնած է 1929 թուականին Պէյրութի մէջ, Լիբանան: Կրտսեր զաւակն է Գրիգոր եւ Զարուհի Թաթուլեաններուն: Երկրորդական կրթութիւնը կը ստանայ Պէյրութի Սահակեան վարժարանը: 1959-ին կ’ամուսնանայ Տէպորա Պչաքճեանին հետ ու կ’ունենան երեք զաւակներ` Թագուհի, Համբիկ եւ Գրիգոր: Դպրոցը աւարտելէն ետք կը նետուի կեանքի ասպարէզ` ստեղծելով իր անձնական գործը: Կանուխ տարիքէն անդամագրուած էր Սոցիալ Դեմոկրատ Հնչակեան Կուսակցութեան եւ մինչեւ իր մահը եղաւ նուիրուած Հնչակեան կուսակցական: Ան այդ ոգով դաստիարակեց նաեւ իր զաւակները: 1990-էն սկսեալ հաստատուած էր Գանատայի Մոնթրէալ քաղաքը:
