image

Ըստ «Ակօս»ի Պոլսահայութիւնը Անտարբեր է

Ըստ «Ակօս»ի Պոլսահայութիւնը Անտարբեր է

Թուրքիա-    Պոլսոյ  «Ակօս» հայկական պարբերականին կարծիքով  «Քէմբ  Արմէն»ի խնդիրը  կը մնայ   Պոլսահայ համայնքի  հիմնական  «գլխացաւէրէն» մէկը:  Այս մասին թերթը այսօր անստորագիր ակնարկ մը  ներկայացուցած է  («Օգնենք Արմենակներուն եւ Արմենուհիներուն» խորագրով – Խմբ. «Արեւելք»)  թերթի  հայերէն  յաւելուածին մէջ:   «Ակօս» որ դրուատիքով խօսած է «Քէմբ Արմէն»ի  խնդրին վերաբերեալ «Նոր Զարթօնք»ի տղոց   կեցուածքներուն մասին նաեւ  գրած է, թէ Պոլսոյ հայկական շրջանակներուն մօտ  խնդրին առընթեր ընդհանուր անտարբերութիւն մը երեւելի է:  Թերթը նոյնպէս  որոշ մտահոգութիւն յայտնած է երկրին մէջ տիրող   անստոյգ ( բառը  «Ակօս»ինն է)  իրավիճակին առընթեր, որ նոյնպէս իր վատ ազդեցութիւնները կրնայ ունենալ Թուզլա շրջանին մէջ գտնուող «Քէմբ Արմէն»ի խնդրին ինչպէս  նաեւ Պոլսոյ   հայութիւնը  յուզող տարբեր խնդիրներուն առընթեր: Յիշեցնենք, որ «Քէմբ Արմէն»ը  կը պատկանի Պոլսոյ աւետարանական համայնքին ( Կէտիկփաշա շրջանի եկեղեցական խորհուրդ) եւ    կառոյցը, որպէս   ապաստանարան  երկար  տարիներ ծառայած է     համայնքին: Կառավարութիւնը որոշած է, որ շէնքը պէտք է փլուի իսկ     կառոյցին հողատէրը       զայն ամբողջութեամբ կը  փափաքի  վերադարձնել  իր  իրաւատիրոջ ՝ Պոլսահայ  աւետարանական համայնքին: