2.09c
Երեվան
հնգ, հնվ 16
Ներկայիս Սուրիոյ հետ քաղաքական մակարդակով շփումներ չկան, սակայն թրքական հետախուզական ստորաբաժանումները կանոնաւոր շփումներ ունին իրենց սուրիացի գործընկերներուն հետ` մեկնելով մեր ազգային շահերէն:
Թուրքիոյ նախագահի խօսնակ Իպրահիմ Քալըն յայտնած է, որ «յանուն ազգային շահերու կան կանոնաւոր շփումներ Թուրքիոյ հետախուզական ծառայութիւններուն եւ անոնց սուրիացի գործընկերներուն միջեւ»:
Քալըն ըսած է. «Ներկայիս Սուրիոյ հետ քաղաքական մակարդակով շփումներ չկան, սակայն, ինչպէս նշեց մեր նախագահ Ռեճեպ Թայիպ Էրտողանը, թրքական հետախուզական ստորաբաժանումները կանոնաւոր շփումներ ունին իրենց սուրիացի գործընկերներուն հետ` մեկնելով մեր ազգային շահերէն»:
Ան յաւելած է, որ «հեշտ չէ համոզել սուրիացի փախստականները վերադառնալու, որոնք փախած են պատերազմէն եւ ծանր ցաւեր կրած են», նշելով որ Դամասկոսի հետ այս առումով պայմանագիր պիտի չկնքուի:
Թուրքիոյ խօսնակը նաեւ ընդգծած է, որ Անգարան ջանքեր կը գործադրէ «այնտեղ անվտանգ տարածք եւ այնպիսի միջավայր ստեղծելու համար, ուր այդ մարդիկը կրնան փրկել իրենց կեանքը` Աֆրինի, Իտլիպի, Թալ Ապիատի եւ Ռաս Ուլ Այնի մէջ»:
«Մենք բոլորս գիտենք, որ այդ մարդիկ ի վերջոյ պէտք է վերադառնան, բայց մենք կը փափաքինք այդ անել` առանց մարդկային ողբերգութիւն պատճառելու», յաւելած է ան:
Աւելի վաղ Սուրիոյ խորհրդարանը Յունիսին իր յայտարարութեան մէջ հաստատած էր, որ թրքական վարչակարգի` «անվտանգ գօտի» ստեղծելու ծրագիրը «բռնագրաւման եւ բացայայտ յարձակման յամառութիւն է եւ կու գայ բռնի տեղահանման եւ ժողովրդագրական փոփոխութիւններու շիրին մէջ»:
Այն ժամանակ խորհրդարանը շեշտած է «Սուրիոյ իրաւունքը` օգտագործելու բոլոր միջոցները բռնագրաւիչին ու անոր ահաբեկչական վարձկան գործիքներուն դիմակայելու համար»:
