4.09c
Երեվան
կրկ, դկտ 14
Մեծի Տանն Կիլիկիոյ Ն.Ս.Օ.Տ.Տ. Արամ Ա. Կաթողիկոսին ի պատիւ տրուած պաշտօնական ընթրիքին ընթացքին Վեհափառ Հայրապետը «Կիլիկեան Իշխան» շքանշանով պարգեւատրած է ամերիկահայ ազգային-քաղաքական գործիչ՝ Դոկտ. Վիգէն Յովսէփեանը։
ԱՄՆ Արեւմտեան ափ տուած իր հովուապետական այցի շրջանակերուն մէջ երէկ երեկոյեան Լոս Անճըլըսի մէջ տեղի ունեցած է պաշտօնական ընթրիք՝ Արամ Ա. Վեհափառ Հայրապետի կաթողիկոսութեան ընտրութեան եւ գահակալութեան 30-ամեակին առթիւ։
Նոյն երեկոյի ընթացքին Մեծի Տանն Կիլիկիոյ Ն.Ս.Օ.Տ.Տ. Արամ Ա. Կաթողիկոս «Կիլիկեան Իշխան» շքանշանով պարգեւատրած է ամերիկահայ ազգային-քաղաքական գործիչ՝ Դոկտ. Վիգէն Յովսէփեանը։
Եղելութեան մասին «Արեւելք» վերահասու դարձաւ Լոս Անճելըսէն։
Նշենք նաեւ, որ նոյն երեկոյին Դոկտ. Յովսէփեանի կողքին շքանշաններու արժանացան շարք մը ազգային-համայնքային գործիչներ։
Մեր ընթերցողներուն յիշեցնենք, որ ազգային-քաղաքական գործիչ Դոկտ. Վիգէն Յովսէփեան (արմատներով՝ լիբանանահայ) տարբեր ժամանակներու իր ծառայութիւնը մատուցած է Միացեալ Նահանգներու հայկական իրականութեան՝ զբաղեցնելով կարեւոր եւ պատասխանատու պաշտօններ։
