23.09c
Երեվան
չրք, սպտ 24
«BBC Arabic» կայքը կը գրէ.
Ներումի Միջազգային կազմակերպութիւնը «Amnesty International» մեղադրած է Ատրպէյճանը Հայաստանի հետ վիճելի Լեռնային Ղարաբաղի տարածաշրջանին մէջ, քաղաքացիկան բնակավայրերուն մէջ ողկուզային ռումբեր օգտագործելուն համար:
Կազմակերպութիւնը յայտնած է, թէ իսրայէլական արտադրութեան ռումբեր նետուած են մայրաքաղաք Ստեփանակերտի վրայ:
Կազմակերպութեան խօսնակ Տենիզ Կրիւոշեւը աւելցուցած է նաեւ, թէ իրեն զարմանք պատճառած է նման զէնքի գործածութիւնը, որոնք իրենց բնոյթով խտրական չեն:
Ողկուզային (Քլասթերային) ռումբերը Միջազգային պայմանգրով արգիլուած են, սակայն երկու երկիրներէն (Հայաստան եւ Ատրպէյճան) ո՛չ մէկը ստորագրած է համաձայնագիրը:
Բրիտանական «Daily Telegraph» թերթը հաղորդած է, թէ շաբաթավերջին ողկուզային ռումբեր օգտագործուած են Լեռնային Ղարաբաղի մայրաքաղաք Ստեփանակերտի մէջ, ահաւոր հրթիռակոծումներու ժամանակ:
Ողկուզային ռումբերը հարիւրաւոր փոքր ռումբեր կը պարունակեն, որոնք լայն տարածութիւններով կը պայթին եւ կրնար բազմաթիւ վիրաւորներ պատճառել, եթէ մարդաշատ վայրերու մէջ օգտագործուին:
