17.79c
Երեվան
հնգ, մյս 15
Գյումրու «Ֆանտաններ» կոչվող տնակային ավանում երեկ Տիգրան Համասյանի համերգի վերջում կազմակերպված դրամահավաքի արդյունքում հանգանակվել է 546.120 դրամ: Այդ մասին տեղեկացնում են SOSGyumri թիմի անդամները: Նրանք տեղեկացնում են նաև, որ ՀԷՑ Շիրակի մարզի «Կարս» մասնաճյուղի տնօրեն Գագիկ Ֆարզադյանն այդ նպատակով փոխանցել է 1 մլն դրամ, Գյումրու քաղաքապետ Սամվել Բալասանյանի ընտանիքի բարեգործական հիմնադրամը՝ 545.000 դրամ, հումորիստ, դերասան Հայկ Մարությանը՝ 500.000 դրամ, Լարիսա Մինասյանը՝ 200 ԱՄՆ դոլար:
ԱԺ պատգամավորներից մեկը (որի անունը թիմը կհրապարակի ավելի ուշ) նվիրաբերելու է 1 բնակարան կամ դրան համարժեք գումար:
Այսօր ժամը 16:00-ին Երևանի Հյուսիսային պողոտայում մեկնարկելու է դրամահավաք՝ «Երևանը Գյումրու կողքին» խորագրով: Նախագծի ավարտին մնաց է 23 օր, դրամահավաքը շարունակվում է նաև www.crowdfunder.co.uk հարթակում, ինչպես նաև փոխանցումներն ընդունվում են
220061854463000 Հայկ Բարսեղյան, Arca: 4083100100242585 Մերի Մելիքսեթյան հաշվեհամարներով:
Լուսանկարը՝ Հայկ Բարսեղյանի
