0.09c
Երեվան
ուրբ, դկտ 19
Հին Թաղեր-Խծաբերդ ուղղութեամբ տեղակայուած հայկական մարտական դիրքերու մերձակայ տարածքին մէջ յայտնաբերուած 9 հայ զոհերէն երկուքը Արմաւիրի մարզի Առատաշէն, մէկը՝ Մրգաշատ գիւղերէն են։
Առատաշէնի մէջ երկու զոհերէն մէկը համայնքի ղեկավար Յովհաննէս Յարութիւնեանի որդին է, 26 տարեկան։ Միւսը անոր հարեւանն է, ընկերը։ Երկուքն ալ ՄՈՊ-էն (մոպիլիզացիա-զօրահաւաք) էին։
Մրգաշատի համայնքի ղեկավար Գէորգ Դանիէլեանը NEWS.am-ի հետ զրոյցի ժամանակ ըսած է, որ իրենց գիւղէն զոհուածը ծառայութիւնը կ'իրականացնէր ՄՈՊ-ով, ան 22-էն 23 տարեկան էր։ Ըստ անոր՝ Մրգաշատէն զոհուածի հետ եւս երկու զինծառայող եղած է, սակայն անոնցմէ որեւէ լուր չունին։
«Իրենք մի շրջան գնացել էին, յետոյ ետ եկան, մօտ 10 օր մնացին, կրկին տարան, բայց մի քանի տեղ են տարել, յստակ չեմ կարող ասել, թէ որտեղ են եղել։ Պատերազմի ժամանակ էդ գիւղերում են եղել։ Նրանք մօտ 20 օր առաջ էին գնացել»,- յայտնած է Դանիէլեանը։
Յիշեցնենք, որ Պաշտպանութեան բանակէն աւելի վաղ յայտնած էին, որ 16 դեկտեմբերին Արցախի Հանրապետութեան մէջ տեղակայուած ռուսական խաղաղապահ զօրախումբի կողմէ ԱՀ ՊԲ-ին փոխանցուած է, նախնական տեղեկութիւններով, Հին Թաղեր-Խծաբերդ ուղղութեամբ տեղակայուած հայկական մարտական դիրքերի մերձակայ տարածքին մէջ յայտնաբերուած 9 հայ զինծառայողի մարմին, որոնց զոհուելու հանգամանքները դեռ անյայտ են։
