32.43c
Երեվան
կրկ, հնս 21
Ծանր միջադէպ մը գրանցուած է Լիբանանի Պեքաա շրջանին մէջ, ուր հրդեհի հետեւանքով զոհուած են ինը սուրիացիներ:
Այս մասին կը հաղորդէ «Ալ Նաշրա» կայքը նշելով, որ հրդեհը եղած է արեւմտեան Պեքաայի «Կազա» անունը կրող գաղթակայանին մէջ, ուր հրկիզուած են վրաններ:
Վերջին տուեալներուն համաձայն հրդեհին հետեւանքով զոհուածներուն թիւը հասած է 9-ի եւ կան տասնեակ վիրաւորներ:
Աղբիւրը կը նշէ, որ հրդեհը ծագած է երբ գաղթական կին մը պաշտպանուելու համար ձմրան ցուրտէն ստիպուած եղած է վրանին մէջ վառարան մը միացնել:
Յիշեցնենք, որ այս առաջին դէպքը չէ որ տեղի կ'ունենայ Լիբանանի մէջ գտնուող սուրիացիներու գաղթակայանի մը մէջ:
Վերջին տուեալներուն համաձայն այսօր Լիբանանի մէջ կ'ապրին մէկ միլիոնէ աւելի սուրիացի փախստականներ:
