14.09c
Երեվան
հնգ, հկտ 01
Սուրիա («Ալ Մայատին»)Սուրիոյ նախագահութեան մամլոյ խորհրդրական Պուսայնա Շահպանի կարծիքով Թուրքիոյ այս կառավարութիւնը կրնայ մեծ տագնապներ բերել երկրին եւ անոր ապագան փայլուն չէ: Շահպան, որ այս մասին խօսած է «Ալ Մայատին» կայանէն նաեւ ըսած է, որ Թուրքիոյ եւ Սէուտական Արաբիոյ վերջին տարիներուն Սուրիոյ մէջ ունեցած ժխտական դերակատարութիւնը սկսած է զգալիօրէն նուազիլ: Շահպան նաեւ ըսած է, թէ Սուրիոյ այսօրուան իրավիճակը կ'ընթանայ դէպի լաւը: Սուրիացի պաշտօնեային ըսելով երկրին մէջ կրակմար կը յայտարարուի միայն, երբ ահաբեկչական խումբերուն ցոյց տրուած արտաքին նեցուկը եւ օգնութիւնները դադրին: Դրական գնահատելով Ռուսիոյ ունեցած ընդհանուր դերը շրջանին մէջ Շահպան դիտել տուած է, թէ Ռուսիա ակներեւ կերպով անմիջական եւ կարեւոր կապեր սկսած է մշակել շրջանի բոլոր տէրութիւններուն հետ եւ այդ մէկը սկսած է իր արդիւնքները տալ, հիմնուելով ռուսական խելացի եւ արդիւնաւէտ ռազմավարութեան վրայ : Շահպան, որ անցեալին 10 տարիներ կարեւոր պաշտօններ վարած է Սուրիոյ նախկին նախագահ Հաֆէզ Ասատին հետ նաեւ յայտնած է, թէ Սուրիոյ այս պատերազմէն ոչ ոք հարիւր առ հարիւր յաղթական դուրս պիտի գայ բայց այնունամենայիւ կան կարմիր գիծեր, որոնք անհատելի են: Ըստ Շահպանի առաջիկային գործադրութեան դրուելիք եւ ՄԱԿ-ի հովանաւորութիւնը վայելող համաձայնութեան ընդհանուր ծիրին մէջ պիտի ըլլայ նաեւ Սուրիոյ վրայ ներկայիս առկայ տնտեսական պատիժներու վերացումը:
