23.09c
Երեվան
շբթ, սպտ 26
Օրերս Լիբանանի հայկական աւան Այնճարը հրաժեշտ տուաւ իր հարազատ զաւակներէն՝ Զարեհ Քէշիշեանին, որ իր ամբողջ կեանքը կապուած մնաց իր ծննդավայրին, անոր հողին ու ժողովուրդին։
1963-ին Այնճար ծնած Զարեհ Քէշիշեան իր կեանքի տարբեր հանգրուանները ապրեցաւ Պուրճ Համուտի եւ Այնճարի մէջ՝ պահպանելով ազգային, համայնքային ու ընտանեկան իր ամուր կապերը։
Զարեհը պարզ ու ազնիւ հայորդի մըն էր՝ կեանքով լեցուն, ժպտադէմ եւ կատակասէր։ Ան սիրեց իր ընտանիքը, իր ընկերները, իր հողը եւ ամենէն աւելի՝ իր Այնճարը։
Ան իր ազգային պատկանելիութիւնը ժառանգեց ընտանիքէն եւ իր ամբողջ կեանքին ընթացքին հաւատարիմ մնաց իր համոզումներուն։ Լիբանանի դժուարին տարիներուն ալ իր բաժինը բերաւ Պուրճ Համուտի եւ Այնճարի ժողովուրդի ապահովութեան պահպանման գործին։
Այսօր ան կը հեռանայ՝ իր ետին ձգելով մեծ բաց մը, բայց նաեւ բարի յիշատակներ, որոնք պիտի շարունակեն ապրիլ իրեն ճանչցողներուն սրտերուն մէջ։
Մահազդ
Քէշիշեան, Ուրֆալեան, Բագրատունի, Ղարիպեան, Եսայեան, Կարապետեան, Այնթապլեան, Բաբիսեան, Մալգճեան եւ Շէրպէթճեան ընտանիքներն ու հարազատները կը գուժեն իրենց եղբօր, հօրեղբօր, հօրաքրոջ որդիին եւ հարազատին՝
ԶԱՐԵՀ ՔԷՇԻՇԵԱՆԻ
(Ծնեալ՝ 1963-ին, Այնճար, Լիբանան)
մահը, որ պատահեցաւ Ուրբաթ, 18 Սեպտեմբեր 2026-ին, յետ հիւանդութեան։
Յուղարկաւորութեան արարողութիւնը տեղի պիտի ունենայ Երկուշաբթի, 21 Սեպտեմբեր 2026-ին, կէսօրուան ժամը 1:00-ին, Այնճարի «Ս. Պօղոս» եկեղեցւոյ մէջ, ուրկէ հանգուցեալին մարմինը պիտի փոխադրուի Այնճարի Ազգային գերեզմանատունը։
Յաւակցութիւնները կ՚ընդունուին թաղման օրը՝ առաւօտեան ժամը 11:00-էն մինչեւ երեկոյեան ժամը 7:00, «Գ. Կիւլպէնկեան» սրահին մէջ։
Փոխան ծաղկեպսակի նուիրատուութիւնները կը խնդրուի կատարել ԼՕԽ-ի «Աղթամար» մասնաճիւղին։
Հաշուեհամար՝ 3002865763002
IBAN՝ LB8003900000003002865763002
