16.09c
Երեվան
երկ, հկտ 19
ԱՄՆ նախագահ Թրամբ թուիթըրեան իր էջին յայտարարած է, որ որպէս ԱՄՆ նախագահ, պիտի արտօնէ ԱՄՆ նախկին նախագահ Ճոն Քենետիի սպանութեան հետ կապուած փաստաթուղթերու հրապարակումը, որոնք տասնամեակներէ ի վեր անձեռնմխելի կը համարուէին: Այս մասին կը հաղորդէ «Ալ Հայաթ» պարբերականը:
Աղբիւրին փոխանցած տուեալներուն համաձայն, Ուաշինկթընի ազգային արխիւը աւելի քան 5 միլիոն փասթաթուղթ կը պարունակէ Ճոն Քենետիի մահուան վերաբերեալ, որոնք տրամադրուած են հետախուզական մարմիններու, ոստիկանութեան եւ Արդարադատութեան նախարարութեան կողմէ: Անոնց 88 տոկոսը մինչեւ օրս հասանելի դարձած է ժողովուրդին, իսկ 11 տոկոսը որոշ կրճատումներով հրապարակուած է:
Ըստ ամերիկեան լրատուամիջոցներուն, յառաջիկայ հինգշաբթի օր անցեալին չհրապարակուած 3100 փաստաթուղթ հասանելի պիտի դառնայ հանրութեան, իսկ կրճատումներով հրապարակուած տասնեակ հազարաւոր փաստաթուղթեր իրենց ամբողջական նմոյշներով պիտի հրապարակուին:
«Politico» թերթին համաձայն, Թրամբ իր կատարած յայտարարութենէն ետք մեծ ճնշումներու ենթարկուած է, գլխաւորաբար «Կեդրոնական հետախուզական գործակալութեան» կողմէ, որոնք կը ստիպեն զինք նշուած փաստաթուղթերէն մաս մը անհասանելի պահել, մանաւանդ անոնք, որոնք 1990-ականներէն են, որովհետեւ կրնան վտանգի ենթարկել գործակալութեան եւ «FBI» որոշ աշխատակիցներ:
