17.09c
Երեվան
երկ, հկտ 19
Ըստ «Սփութնիք» լրատուական գործակալութեան, Տէր Զօրի Ալ Օմար նաւթահանքերը, որոնք Սուրիոյ բանակի տիրապետութեան տակ գտնուող Ալ Մայատին աւանէն ընդամէնը 10քմ հեռաւորութեան վրայ կը գտնուին, անցած են «Քասատ» ուժերու տիրապետութեան տակ:
Իր հերթին սուրիացի ռազմագէտ Թուրքի Ալ Հասան յայտարարած է, որ Սուրիոյ բանակն այս պահուն իր իշխանութեան տակ առած է երկրի գլխաւոր նաւթահորերը, եւ կը գտնուի Տէր Զօր քաղաքի մուտքին:
Վերջինս նշած է նաեւ, որ բանակը քաղաքի օդակայանի շրջափակումը չէզոքացնելով ազատագրած է հիւսիսային շրջանները, հասնելով մինչեւ Ռաքքայի սահմանը, եւ շարժելով դէպի Պուքամալ քաղաք:
Ռազմագէտին հաւաստմամբ, Սուրիոյ դեմոկրատական (քրտական) ուժերուն դէմ առճակատման դուրս գալու ժամկէտը պայմանաւորուած է Սուրիոյ բանակի առաջնահերթութիւններու դասակարգմամբ, եւ նաւթահորերու ազատագրման ու սուրիական հողերու վրայ իշխանութիւն վերահաստատելու համար ոչ մէկ խոչընդոտ կրնայ խանգարել բանակին:
