16.09c
Երեվան
երք, սպտ 29
Սուրիա- ( «Ալ Տիար» - Պէյրութ )- Առաջին անգամը չէ, որ ռուսական զէնքը իր վրայ կը կեդրոնացնէ միջազգային լրատուադաշտը:Այս ծիրին մէջ վերջին օրերուն կը խօսուի ռուսական «Թոս-1» (Պուրաթինօ) համակարգի իւրայատկութեան մասին , որ իր հզօրութեամբ կրնայ ստիպել Միջազգային Դաշնակցութեան մաս կազմող երկիրներուն վերատեսութեան ենթարկել իրենց մօտեցումները Սուրիոյ մէջ ընթացող պատերազմի առընթեր: Ամերիկեան աղբիւրներ նաեւ կը նշեն, որ «Թուս-1» նոր համակարգի մէկ հարուածային շարժումը բաւարար է քանի մը թաղամասեր ոչնչացնելու: Հաղորդագրութիւնները մատնանշած են, թէ Ռուսիոյ կողմէ հրթիռարձակ «Թոս-1»ի տարածումը պիտի փոխէ կռիւի ընթացքը, եւ պիտի ստիպէ դաշնակից երկիրներուն փոխել «խաղի օրէնքները» Սուրիոյ եւ Միջին Արեւելքի մէջ ընդհանրապէս: Այս ուղղութեամբ ամերիկացի վերլուծաբանները հաստատած են, որ այս համակարգը սովորական ինքնաշխատող հրետանի չէ, այլ առաջին հերթին նպատակաուղուած է հսկայ հրթիռներ արձակել փակ վայրերու եւ լեռնային շրջաններու մէջ գտնուող թիրախներու վրայ: Անոնք նշած են նաեւ, որ «Պորաթինօ»ի մէկ շարժումը կրնայ 200-400 քմ տարածութեան վրայ գտնուող թիրախներ կործանել, որոնց մարմինները հարուածի արդիւնքով տեղւոյն վրայ ծուխ բարձրացնող փլատակներու կը վերածուին:
