17.09c
Երեվան
երք, սպտ 29
Հայց. Առաքելական Եկեղեցւոյ Դամասկոսի Թեմի Առաջնորդ՝ Գերշ. Տ. Արմաշ Եպս. Նալպանտեան, ընկերակցութեամբ Տ. Տրդատ Քհնյ. Քիրէճեանի, կատարեց մատաղի օրհնութիւն, զոր նուիրաբերած էր ՌԱԿ-ի Սուրիոյ Հարաւային Շրջանի Վարիչ Մարմինի եւ Թէքէեան Մշակութային Միութեան կողմէ:
Դամասկոսի Թեմի պաշտօնական էջէն կը կարդանք՝
Կիրակի, 13 Սեպտեմբեր 2026-ին, Խաչվերացի տօնին առթիւ, Դամասկոսի Առաջնորդանիստ Սուրբ Սարգիս Եկեղեցւոյ մէջ հանդիսաւոր սուրբ Պատարագ մատուցեց եւ յաւուր պատշաճի քարոզեց Դամասկոսի Հայոց Թեմի Առաջնորդ՝ Գերշ. Տ. Արմաշ Եպս. Նալպանտեանը: Պատարագիչ Սրբազն Հօր առընթերակայ էր Արժ. Տ. Տրդատ Քհնյ Քիրէճեանը:
Յաւարտ սուրբ Պատարագի կատարուեցաւ Խաչվերացի Թափօրի արարողութիւնը: Թափօրի ընթացքին Սրբազան Հայրը օրհնելով աշխարհի չորս ծագերը, աղօթք առաքելով առ Աստուած, ամենաբարձրեալէն խնդրեց Հայոց Եկեղեցւոյ եւ Հայրապետութեան անսասանութիւն, Հայոց Աշխարհին անդորրութիւն եւ յառաջդիմութիւն եւ համայն աշխարհին խաղաղութիւն:
Առաջնորդ Գերշ. Տ. Արմաշ Եպս. Նալպանտեանը, ընկերակցութեամբ Տ. Տրդատ Քհնյ Քիրէճեանի, կատարեց մատաղի օրհնութիւնը, զոր նուիրաբերած էր ՌԱԿ-ի Սուրիոյ Հարաւային Շրջանի Վարիչ Մարմինի եւ Թէքէեան Մշակութային Միութեան կողմէ:
