13.09c
Երեվան
ուրբ, մյս 15
Պոլսոյ Պատրիարքի ընտրութիւնը պիտի կայացուի յառաջիկայ Դեկտեմբերին: Այս մասին վերահասու կը դառնանք պատրիարքութեան կողմէ հրապարակուած զեկոյցէ մը, որ նոյնպէս այս առաւօտ լոյս տեսած է Պոլսոյ հայկական օրաթերթերուն առաջին ճակատին:
Կը փոխանցուի նաեւ, որ Պատրիարքական ընտրութիւնը կազմակերպող նախաձեռնարկ մարմինը յատուկ դիմում մը ներկայացուցած է Պոլսոյ կուսակալութեան արծարծելով ընտրութեան հարցը բնականաբար թրքական իշխանութիւններէն համապատասխան արձագանգ մը ստանալու ակնակալիքով: Կը նշուի նաեւ, որ Պոլսոյ կուսակալութեան ուղղարկուած դիմումին տակ ստորագրած են Պատրիարքութեան տեղապահ Տ. Գարեգին արք. Պեքճեան, Կրօնական ժողովի ատենապետ ՝ Տ. Սահակ եպս. Մաշալեան եւ նախաձեռնարկ մարմնի դիւանապետ պոլսոյ ազգայիններէն ՝ Սարգիս Քիւլակչի:
Ինչպէս նշեցինք, այս ընթացքով Պոլսոյ 85-րդ Պատրիարքի ընտրութիւնը պիտի կայացուի յառաջիկայ դեկտեմբեր ամսուան ընթացքին, անշուշտ եթէ անկանկալ արգելքներ չյայտնուին այդ ընտրութեան ընդառաջ:
