18.09c
Երեվան
ուրբ, մյս 15
Վարչապետ Նիկոլ Փաշինեանի ցաւակցական ուղերձը Նիկոլայ Ծատուրեանի մահուան կապակցութեամբ․
«Խոր ցաւով տեղեկացայ ՀՀ ժողովրդական արտիստ Նիկոլայ Ծատուրեանի մահուան մասին:
Նիկոլայ Ծատուրեանի ստեղծագործական ճանապարհը կեանքի եւ գործի համադրման լաւագոյն դրսեւորումներից է, տարիներ շարունակ նա բացառիկ նուիրումով ծառայել է հայ թատերարուեստին:
Անգնահատելի է նրա դերն ու վաստակը Հայաստանի մշակութային կեանքում, հայ թատրոնի նոր սերունդ կրթելու եւ ձեւաւորելու գործում:
Նա ոչ միայն վարպետ բեմադրիչ էր, այլեւ նուիրեալ մանկավարժ, որն իր հարուստ փորձն ու գիտելիքն է փոխանցել սերունդներին՝ ձեւաւորելով թատերարուեստին ու կինոարուեստին բնորոշ իւրայատուկ ճաշակ, իսկ ստեղծած թատերական կտաւները՝ «Ծիրանի ծառ», «Ձեր կեանքի ժամերը», «Եւ երկինքէն երեք աթոռ ինկաւ», իրաւամբ, հարստացրել են մեր թատերական մշակոյթը:
Միաժամանակ, ցանկանում եմ ընդգծել Նիկոլայ Ծատուրեանի դերը որպէս մտաւորական, ով հանդէս էր գալիս սուր եւ ճշմարիտ խօսքով՝ մշտապէս բարձրաձայնելով ժողովրդին յուզող խնդիրների ու հարցերի մասին:
ՀՀ Կառավարութեան եւ անձամբ իմ անունից խորին ցաւակցութիւն եմ յայտնում Նիկոլայ Ծատուրեանի ընտանիքին, հարազատներին, գործընկերներին, ինչպէս նաեւ հայ թատերարուեստի բոլոր երկրպագուներին»:
