10.09c
Երեվան
երկ, հկտ 19
Թուրքիոյ նախագահ Էրտողան յայտարարած է, որ Իրաքեան Քիւրտիստանի իշխանութիւնն անկախութեան վերաբերեալ հանրաքուէի կազմակերպմամբ «ինքզինք կրակը նետած է» եւ ստիպուած պիտի ըլլայ կրել անոր հետեւանքները, կը գրէ թրքական «Այտընլըք» պարբերականը:
«Ոմանք իրենք զիրենք կրակը նետելու հետեւանքով լաւ պիտի այրին», - ըսած է Էրտողան
Թուրքիոյ առաջնորդը մեղադրած է Իրաքեան Քիւրտիստանի ղեկավար Մասուտ Պարազանին նման քայլ կատարելէ առաջ այդ հարցը հարեւաններուն ու պաշտօնական Պաղտատին հետ չքննարկելու համար։
«Դուն մեր հետ խօսեցա՞ր, Իրանին հետ խօսեցա՞ր, դաշնային պետութեան հետ խօսեցա՞ր: Ինչպէ՞ս այսպիսի քայլ կը կատարես», - ըսած է Էրտողան:
Ան հեգնած է Պարազանին, ըսելով, որ վերջինս պետութիւն կառավարելը կը պատկերացնէ ցեղապետի պէս հարց լուծելով, մինչդեռ այն այդպէս չէ:
«Հիւսիսային Իրաքի մէջ, նստած տեղդ, ամէն ինչ ունիս. դրամ ունիս, նաւթ ունիս, հանգիստ նստի'ր տեղդ», - դիմած է Էրտողան Պարազանիին:
Աւելի վաղ Էրտողան սպառնացած էր Իրաքեան Քիւրտիստանին, յայտարարելով, որ գիշեր մը կրնան անսպասելի կերպով խուժել երկրի տարածքը:
