12.09c
Երեվան
հնգ, հկտ 22
Իրաքի վարչապետ Հայտար Ապատի իր թուրք գործընկեր Պըն Ալի Եըլտըրըմին ըսած է, որ Իրաքի զինուած ուժերը հրահանգ տուած են՝ կանխել «որեւէ օտարերկրացի զինեալներու» իրաքեան սահմանի միջոցաւ Թուրքիոյ վրայ յարձակումներ սկսիլը: Այս մասին կը հաղորդէ «Lebanon 24»ը, նշելով, որ Իպատի հաստատած է, որ իրենք «Կը մերժեն իրենց տարածքներու միջոցաւ Թուրքիոյ ուղղութեամբ ոեւէ խախտում»:
Իպատիի գրասենեակէն յայտնած են, որ երեքշաբթի օր արտաքին գործոց նախարարները հեռախօսազրոյցի միջոցաւ քննարկած են սահմանի վրայ իրավիճակը:
Նշենք, որ Թուրքիոյ նախագահ Ռեճեփ Թայէպ Էրտողան երկուշաբթի օր յայտնած էր, թէ Թուրքիա հիւսիսային Իրաքի Սինճար գաւառին մէջ կրնայ շղթայազերծել զինուորական գործողութիւն մը` այդ շրջանը Քրտական աշխատաւորական կուսակցութեան զինեալներէն ձերբազատելու համար:Թուրքիոյ վարչապետ Պինալի Եըլտըրըմ իր կարգին յայտնած էր, թէ Թուրքիան անհրաժեշտութեան պարագային հիւսիսային Իրաքի մէջ զինուորական գործողութեան պիտի ձեռնարկէ:
