11.09c
Երեվան
հնգ, հկտ 22
Դամասկոս կը մեղադրէ Իսրայէլը երկուշաբթի օր T-4 ռազմական օդակայանին օդային հարուած հասցնելու մէջ: Նշենք, որ օդային գրոհին հետեւանքով Սուրիոյ կառավարական ուժերու եւ իրանցի սպայակազմի անդամներէն 14 անձեր սպաննուած են:
Reuters ներկայացնելով օդակայանի կարեւորութիւնը կը գրէ, որ հրթիռներու թիրախ դարձած օդակայանը, կը գտնուի Ալ-Թիաս գիւղին մէջ, Փալմիրա քաղաքէն 60 քիլոմեթր հեռաւորութեան վրայ, Հոմս նահանգի մէջ:
Ան կը նկատուի ամենամեծ ռազմական օդակայանը Սուրիոյ մէջ, որուն մեծութեամբ կը յաջորդէ Ալ-Տմայր օդակայանը:
1970 -1980-ական թուակններուն Խորհրդային Միութիւնը իրաւունք ստացած էր անոր օդային ռազմակայանը օգտագործելու:
Կը նշուի, որ «Տահէշ» ահաբեկչական խմբաւորումը յարձակած է օդակայանին վրայ եւ կործանած այնտեղ գտնուող 4 ռազմական օդանաւեր:
«Human Rights Watch»ի համաձայն, անցեալ փետրուարին իսրայէլեան կործանիչ մը հարուածած էր օդակայանը, որուն հետեւանքով ոչնչացուած էր անոր գլխաւոր դիտակէտի աշտարակը:
