19.66c
Երեվան
կրկ, հլս 05
Պոլսոյ ժողովուրդը երէկ իր վճռորոշ տեսակէտը յայտնեց եւ ընդդիմադիր ժողովրդահանրապետական թեկնածու Էքրէմ Իմամօղլուն հասցուց Պոլսոյ քաղաքապետի պաշտօնին։
Կիրակի Թուրքիոյ նախագահ Ռեճէպ Թայէպ Էրտողանը շնորհաւորած է հիմնական ընդդիմադիր Ժողովրդա-հանրապետական կուսակցութեան թեկնածու Էքրէմ Իմամօղլուն Պոլսոյ քաղաքապետի կրկնակի ընտրութիւններուն յաղթանակի կապակցութեամբ:
«Ես յոյսով եմ, որ Պոլսոյ քաղաքապետի կրկնակի ընտրութիւնները կ'ըլլան ի շահ քաղաքի: Այսօր կրկին ժողովուրդը արտայայտած էր իր կամքը: Ես կը շնորհաւորեմ Էքրէմ Իմամօղլուն, որ յաղթանակ տարաւ ընտրութիւններուն՝ ըստ ոչ պաշտօնական տուեալներու»,-գրած է Թուրքիոյ առաջնորդը թուիթըրեան իր էջին:
Վերջին տուեալներու համաձայն՝ ձայներու 99,4 տոկոսը հաշուելէ ետք Իմամօղլուն հաւաքած է 54 տոկոս, իսկ Էրտողանի գլխաւորած ԱԶԿ-ի թեկնածու Պինալի Եըլտերիմը՝ 45,1 տոկոս: Եթէ ձայներու հաշուարկէն ետք արդիւնքը չփոխուի, ապա այդ պարագային ԱԶԿ-ը, 2002 թուականէն սկսած, առաջին անգամ կը զիջի իր դիրքերը Պոլսոյ մէջ քաղաքապետի ընտրութիւններու ընթացքին:
