26.14c
Երեվան
շբթ, հնս 27
12 Տարի առաջ այս օրը Հունգարիոյ մէջ անարգ ձեւով կը սպաննուէր հայազգի սպայ Գուրգէն Մարգարեանը: ՆԱԹՕ-ի ծիրին մէջ եղող «Գործընկերութիւն յանուն խաղաղութեան» ծրագրի շրջանակներուն մէջ եղող դասընթացքի մը մասնակցելու համար Պուտափէշտ մեկնած Մարգարեան կը սպաննուէր ազրպէյճանցի Ռամիլ Սաֆարովի կացինի հարուածով: Զինուորական համագործակցութեան ընդհանուր ոլորտին մէջ եղած աննախընթաց այս սպաննութիւնը բողոքի ծանր ալիք բարձրացուց Հայաստանի եւ Սփիւռքի հայութեան մօտ: Ատելութեան ֆոնին վրայ յանցագործութեան հեղինակը Ռամիլ Սաֆարով , որ աւելի ուշ կը դատապարտուէր ցմահ ազատազրկման, դրամական կաշառումի դաւով դէպքէն 6 տարի ետք 31 օգոստոս 2012-ին կ'արտայանձնուէր Ազրպէյճանին եւ կը հասնէր Պաքու: Նոյն օրը Հայաստան իր դիւանագիտական յարաբերութիւնները կը խզէր Հունգարիոյ հետ: Մտահոգիչը այն էր, որ Սաֆարովի նման ոճրագործ մը արժանի կը դառնար պետական մակարդակի յարգանքի եւ ուշադրութեան: Ցայսօր Գուրգէն Մարգարեանի սպաննութեան դէպքը բաց վէրք կը մնայ ամբողջ հայութեան համար:
