12.09c
Երեվան
շբթ, ապր 20
Ուքրանիոյ զինուած ուժերն ունին հակայարձակման համար անհրաժեշտ նուազագոյն սպառազինութիւն, հակայարձակումը պիտի սկսի առաջիկային։ Այս մասին ճափոնական NHK հեռուստաալիքին տուած հարցազրոյցին ըսած է Ուքրանիոյ պաշտպանութեան նախարարութեան հետախուզութեան գլխաւոր վարչութեան ղեկավար Քիրիլ Պուտանով, հաղորդած է ԹԱՍՍ։
«Մենք արդէն ունինք անհրաժեշտ նուազագոյն սպառազինութիւն։ Կրնամ միայն ըսել, որ հակայարձակումը պիտի սկսի առաջիկային»,- ըսած է Պուտանով։
Միեւնոյն ժամանակ ան յայտարարած է, որ գործողութիւններու յաջող շարունակման համար ուքրանական բանակին դեռ անհրաժեշտ է զէնքի, կործանիչներու եւ զինամթերքի լուրջ պաշար։
«Մեզի աւելի շատ զէնք պէտք է », - աւելցուցած է ան:
Ուքրանիոյ պաշտպանութեան նախարարութեան հետախուզութեան գլխաւոր վարչութեան ղեկավարը նաեւ յոյս յայտնած է, որ միջազգային հանրութիւնը «պատրաստ է օգնել» իր երկրին։
