2.09c
Երեվան
շբթ, նմբ 01
Տհոքի մէջ, օրերս, Սրբոց Թարգմանչաց տօնին եւ Իրաքի Թեմի Առաջնորդ Գերշ. Տ. Օշական Եպս. Կիւլկիւլեանի եպիսկոպոսացման երկրորդ տարեդարձին, ինչպէս նաեւ Տհոքի Սուրբ Ներսէս Շնորհալի եկեղեցւոյ հիմնադրման 17-րդ տարեդարձին առիթներով, Սբ. Պատարագ մատուցուած է Տհոքի Սբ. Ներսէս Շնորհալի եկեղեցւոյ մէջ։ Պատարագի աւարտին Սրբազան Հայրը օրհնած է եկեղեցւոյ նուիրուած երկու խաչվառներ։
Այս մասին «Արեւելք» տեղեկացաւ Իրաքի Թեմի Առաջնորդարանի դիմատետրեան էջէն:
Ստորեւ հրապարակուած լրատւութիւնը՝
Հանդիսապետութեամբ Թեմիս Բարեխնամ Առաջնորդ Գերշ. Տ. Օշական Եպս. Կիւլկիւլեանի, Ուրբաթ օր, Հոկտեմբերի 11-ին, Սրբոց Թարգմանչաց Տօնին եւ նորին Սրբազնութեանը եպիսկոպոսացման երկրորդ տարեդարձին ինչպէս նաև Տհօքի Սուրբ Ներսէս Շնորհալի եկեղեցւոյ հիմնադրման 17-րդ տարեդարձին առիթներով, Սբ. Պատարագ մատուցուեցաւ Տհօքի Սբ. Ներսէս Շնորհալի եկեղեցւոյ մէջ։ Պատարագի աւարտին Սրբազան Հայրը օրհնեց եկեղեցիին նուիրուած երկու խաչվառներ։
Այս արարողութեան մասնակցեցան արժանապատիւ քահանայ հայրեր` Տ. Արթուն Խալաթեանը, Տ. Մասիս Շահինեանը , Տ. Յակոբոս Իսահակեանը և սարկաւագաց դասը։ Ներկայ էին հիւր հոգեւորականներ յանձին` Արևելքի Ասորական Եկեղեցւոյ առաջնորդ Տ․ Ապրս Եպս. Իւխաննսի, Տըհօքի Քաղդեական Եկեղեցւոյ Եպս․ Տ. Ազատ Շապայի և Տ. Փիլիպպոս Տաուուտի։
Այս հոգեշէն միջոցառումին ներկայ եղան նաև Տհօքի, Մուսուլի, Զախոյի, Աւզրուկի և Հաւրեզքի թաղական խորհուրդները և հաւատացեալներու հոծ բազմութիւն։
