0.09c
Երեվան
հնգ, դկտ 12
Թեսաղոնիկէի Ս. Աստուածածին եկեղեցւոյ հիմնադրութեան 121 ամեակին առիթով, օրերս, տեղի ունեցած է Առաջնորդական պատարագ, որու աւարտին կատարուած է մատաղի օրհնութիւն եւ հոգեհանգստեան կարգ Թեսաղոնիկէի համայնքին ծառայած ննջեցեալ հայորդիներու հոգիներուն համար։
Այս մասին «Արեւելք» տեղեկացաւ Թեմի դիմատետրեան պաշտօնական էջէն, ուր մասնաւորապէս գրուած է ՝
Կիրակի, 24 Նոյեմբեր 2024-ին թեմիս բարեջան առաջնորդ՝ Գերպ. Տ. Սահակ Ծ. վրդ. սուրբ Պատարագ մատուցանեց եւ քարոզեց Ս. Աստուածածին եկեղեցւոյ հիմնադրութեան 121 ամեակին առիթով: Առաջնորդը նախ յանուն Ն.Ս.Օ.Տ.Տ. Արամ Ա. ազգընտիր Կաթողիկոսի ողջունեց Թեսաղոնիկէի հաւատաւոր ժողովուրդը ապա ողջունեց ազգայիններու, Յոյն եկեղեցւոյ ներկայացուցիչներու, պատւոյ հիւրերու եւ հաւատացեալ ժողովուրդի ներկայութիւնը: Իր քարոզին մէջ առաջնորդ հայր սուրբը շեշտեց երեք հարստութիւններու կարեւորութիւնը եւ զանոնք սերունդներուն փոխանցելու յրամաեականը. Հաւատք՝ հոգեւոր հարստութիւնը, Եկեղեցի եւ Հայրենիք՝ ազգային հարստութիւնները, Հայ Լեզու եւ այլ արժէքներ՝ մշակութային հարստութիւնը:
Պատարագի աւարտին կատարուեցաւ մատաղի օրհնութիւն եւ հոգեհանգստեան կարգ Թեսաղոնիկէի համայնքին ծառայած ննջեցեալ հայորդիներու հոգիներուն համար: Ս. Պատարագէն ետք եկեղեցւոյ շրջափակին մէջ Թեսաղոնիկէի համազգայինի պարախումբը հանդէս եկաւ քանի մը պարային համարներով:
