14.09c
Երեվան
երկ, նմբ 02
«Ուժեղ Հայաստան»-ը Ստեփանաւան համայնքի ընտրութիւններու արդիւնքներն անվաւեր ճանչնալու վերաբերեալ դիմում ներկայացուցած է։ Այս մասին ըսած է «Ուժեղ Հայաստան» կուսակցութեան անդամ Գոհար Մելոյեանը։
«Յարգելի հայրենակիցներ, ԶԼՄ ներկայացուցիչներ, ստեփանաւանցիներ.
Այժմ գտնւում եմ Ստեփանաւանում թիւ 25 ընտրատարածքային ընտրական յանձնաժողովի նիստին, որում ամփոփւում են Ստեփանաւանի ընտրութեան արդիւնքները: Տեղեկացնում եմ, որ «Ուժեղ Հայաստան» կուսակցութիւնը՝ համամասնական ընտրակարգով անցկացուած Ստեփանաւան համայնքի ընտրութիւնների արդիւնքներն անվաւեր ճանաչելու վերաբերեալ դիմում է ներկայացրել:
Դիմումով հիմնաւոր ներկայացրել ու անդրադարձել ենք. 1. Ընտրական օրէնսգրքով նախատեսուած իրաւակարգաւորումները չարամտօրէն շրջանցելով՝ ընտրողներին մոլորեցնելու ու խաբէութեամբ քուէ կորզելու նախապէս պլանաւորած գործընթացին. 2. Իրաւապահ համակարգի կողմից նախընտրական քարոզչութեանը միջամտելու եւ ընդդիմադիրների նկատմամբ հակաքարոզչութիւն իրականացնելուն. 3. Վարչական ռեսուրսի համակարգային օգտագործմանը. 4. Հաւաքների ազատութիւնը սահմանափակելով՝ նախընտրական քարոզչութիւն խոչընդոտելուն. 5. Ընտրողներին նիւթապէս շահագրգռելու դէպքերին. 6. Հարիւրեակներով տեխնիկական եւ բովանդակային խախտումներին:
Ընտրական գործընթացի ամբողջ ընթացքում արձանագրուած փաստական եւ իրաւական մեր կողմից արձանագրուած հանգամանքներն իրենց բնոյթով, ծաւալով, տարածուածութեամբ եւ ազդեցութեամբ խաթարել են»,- նշած է ան։
