13.09c
Երեվան
շբթ, մյս 09
ՆԱԹՕ-ի գնահատականներով՝ Ռուսիոյ կորուստներն Ուքրանիոյ դէմ պատերազմին վերջին շրջանին զգալիօրէն աճած են, որու մասին Պրիւքսէլի մէջ յայտարարած է ՆԱԹՕ-ի ընդհանուր քարտուղար Ենս Սթոլթընպերկը։ Այս մասին գրած է dw.com-ը:
Անոր հնչեցուցած տեղեկատւութեան համաձայն՝ արեւմտեան հետախուզական ծառայութիւնները կ՚ենթադրեն, որ սպանուած եւ վիրաւոր ռուս զինուորներու թիւը գերազանցած է 350 հազարը։
Ընդհանուր քարտուղարի խօսքով՝ Ռուսիան շատ բարձր գին կը վճարէ «փոքր» տարածքային նուաճումներու համար։
ՆԱԹՕ-ի ընդհանուր քարտուղարն այս անգամ առանձին չէ նշած ռուսական կողմի զոհերու թիւը։
2023 թուականի նոյեմբերի վերջը դաշինքը յայտարարած էր, որ Ռուսիոյ Դաշնութեան զոհերու թիւը կը գերազանցէ 100,000-ը:
Ուքրանիոյ պաշտպանութեան նախարարութեան տուեալներով՝ մարտ 14-ի դրութեամբ Ուքրանիոյ դէմ պատերազմի ընթացքին զոհուած զինուորականներու թիւը կը կազմէ 427 840 մարդ։ Ռուսական կողմն իր կորուստներու մասին ճշգրիտ տեղեկատւութիւն չի հաղորդեր։
