Լիբանան- Լիբանանի աղբի խնդրին առընթեր կառավարութեան կողմէ առաջարկուած լուծումները կը բախին քաղաքացիական շարժումներու դժգոհութեան: Լրատուական աղբիւրնր կը յայտնեն, որ Պուրճ Համուտ շրջանի աղբանոցը կրնայ վերաբացուիլ: Շրջանի քաղաքապետութիւնը հակառակ տարբեր լրատուական կայաններու խնդրին առընթեր տեսակէտ մը ստանալու ճիգերուն կը մնայ լուռ: «Ազատ Լիբանանի Ձայն» ռատիոկայանը առաւօտուն հաղորդեց, որ Պուրճ Համուտի քաղաքապետ Անդրանիկ Մըսրլ այսօր քաղաքապետութեան վերջնական կեցուածքը պիտի յայտարարէ: Նշենք, որ մէկէ աւելի պատասխանատուներ նախօրօք յայտարարած էին, որ Պուրճ Համուտի աղբանոցի վերաբացումը իրենց համար անընդունելի կարմիր գիծ է: Պուրճ Համուտի աղբանոցը 30 տարի գործելէ ետք փակուած էր 1996-ին: Մինչեւ հիմա շրջանի քաղաքացիներ կը բողոքեն աղբանոցէն բարձրացած գարշահոտին եւ անոր բնութեան պատճառա վնասներուն մասին: