34.09c
Երեվան
կրկ, հնս 16
Ալեն Սիմոնեանը գրած է, թէ իր կարծիքով, ինչու ընդդիմութիւնը չի մասնակցիր Ազգային Ժողովի նիստերու մեծ մասին․
«Ընդդիմութիւնը չի մասնակցում ԱԺ նիստերի մեծ մասին, ընդհանրապէս չի մասնակցում ԱԺ խորհրդի նիստերին, ընդդիմութիւնը չի մասնակցում օրէնքների քննարկման գրեթէ 90% տոկոսին, ընդդիմութիւնը պարբերաբար չի մասնակցում կառավարութեան հետ հարց ու պատասխանին, ընդդիմութիւնը թեկնածուներ չի առաջադրում ԱԺ մշտական յանձնաժողովների ղեկավարների եւ ԱԺ նախագահի տեղակալի պաշտօններում, գրեթէ չի զբաղւում այդ յանձնաժողովների գործառոյթներով, բայց ընդդիմութիւնը գալիս է, գրանցւում է եւ գալիս մասնակցում է օրէնքների քուէարկութիւններին՝ դէմ կամ ձեռնպահ:
Գուշակէք, թէ ինչու.
Պատասխանը պարզ է՝ ԱԺ մէկ նիստից բացակայութեան դէպքում աշխատավարձից պահւում է շուրջ 24.000 դրամ։ Սա, յիրաւի, չընդդիմութեան չօրակարգի եւ չգոյութեան լաւագոյն օրինակ է»:
