14.09c
Երեվան
շբթ, հկտ 31
«Պրազիլէն դուրս գտնուելով՝ պիտի կարենամ քիչ մը աւելի ազատօրէն արտայայտել այն, ինչ որ շատեր կը մտածեն»։ Այս մասին յայտարարած է Ֆլաւիու Պոլսոնարուն, որ նախագահական ընտրութիւններուն պարտուելէ ետք գաղտնի կերպով լքած է Պրազիլը։
«Կ՚ըսեմ, որ չեմ լքած Պրազիլը։ Ես մեկնած եմ Պրազիլէն։ Եւ գիտեմ, որ այստեղէն պիտի շարունակեմ ազդեցիկ ձայն ունենալ։ Պիտի կարենամ շարունակել այն առաջնորդութիւնը, որուն համար պարտական եմ նախագահ Պոլսոնարուին։
Կը կարծեմ, որ Պրազիլէն դուրս գտնուելով՝ պիտի կարենամ քիչ մը աւելի ազատօրէն արտայայտել այն, ինչ որ շատեր կը մտածեն», ըսած է ան։
Պոլսոնարուն նշած է, որ դարձեալ պիտի մասնակցի նախագահական ընտրութիւններուն։
«Ես քաջութիւնը ունիմ դիմագրաւելու այն ամէնը, ինչ անհրաժեշտ է մեր երկիրը փրկելու համար, եւ մասնակցելու յառաջիկայ նախագահական ընտրութիւններուն։ Եւ ես չեմ խօսիր 2030 թուականի մասին։ Կը խօսիմ անկէ առաջ եղող ժամանակաշրջանին մասին», ըսած է ան։
Յիշեցնենք, որ Պոլսոնարուն աւելի վաղ գաղտնի կերպով լքած էր Պրազիլը՝ հակառակ Դաշնային Գերագոյն դատարանի դատաւոր Ալեշանդրի տի Մորայսի՝ դրամալուացման գործին շրջածիրէն ներս փաստաթուղթերը յանձնելու կարգադրութեան։ Ներկայիս Պոլսոնարուն կը գտնուի Միացեալ Նահանգներու մէջ։
Հոկտեմբեր 25-ին կայացած նախագահական ընտրութիւններու երկրորդ փուլին արդիւնքներով՝ Պոլսոնարուն ստացած է քուէներուն 48,21 տոկոսը՝ զիջելով գործող նախագահ Լուիս Ինասիու Լուլա տա Սիլվային, որ ստացած է 51,79 տոկոսը։ Վերընտրուած նախագահը աւելի վաղ իր մրցակցին փախուստը ամօթալի որակած էր։
