-1.91c
Երեվան
շբթ, նմբ 09
Կազայի հատուածէն այսօր վաղ առաւօտեան երկիր-օդ դասի հրթիռներ արձակուած են սահմանամերձ իսրայէլեան համայնքներու ուղղութեամբ: «Արմէնփրէս»-ի հաղորդմամբ՝ այս մասին գրած է The Times of Israel պարբերականը:
Ըստ Իսրայէլի պաշտպանութեան ուժերու՝ 7 հրթիռներէն 2-ը արձակուած են դէպի Միջերկրական ծով, իսկ մնացածը՝ Իսրայէլի ուղղութեամբ: Ըստ հաղորդագրութեան՝ հրթիռներու թիրախը, ամենայն հաւանականութեամբ, եղած են տարածքին մէջ գտնուող Իսրայէլի օդուժին պատկանող օդանաւերը:
Հրթիռներու արձակման պատճառով իսրայէլեան մի քանի համայնքներու մէջ տագնապի ազդանշաններ հնչած են, բնակիչներուն հրահանգած են պատսպարուիլ ապաստարաններու մէջ:
Վիրաւորներու կամ հասցուած վնասի մասին տեղեկութիւններ չեն հաղորդուած:
The Times of Israel-ը յիշեցուցած է, որ ապրիլ 5-ի երեկոյեան Գազայէն 2 հրթիռ արձակուած էր, որոնցմէ մէկը չէր յաջողած հատել սահմանը, իսկ միւսն ինկած էր բաց տարածքի մէջ: Ատկէ կարճ ժամանակ անց նոր բախումներ սկսած էին Երուսաղէմի ալ-Աքսա մզկիթի մօտ: Կազայի մէջ եւ Իսրայէլի արաբական համայնքներու մէջ խռովութիւններ սկսած են:
Ապրիլ 4-ի երեկոյեան եւս ալ-Աքսա մզկիթի մէջ բախումներ տեղի ունեցած են: Խումբ մը պաղեստինցիներ ամրացած էին ալ-Աքսա մզկիթին մէջ: Ոստիկանութիւնը մտած էր մզկիթ եւ լուսաձայնային նռնակներով փորձած հանել անոնց այնտեղէն: Շուրջ 350 մարդ ձերբակալուած էր: Այս բախումներուն յաջորդած էին հրթիռակոծութիւններ երկու կողմերէն:
