-4.91c
Երեվան
կրկ, դկտ 28
Նորվեկիոյ հիւսիսը զօրավարժութիւններու ժամանակ արկածի ենթարկուած է ամերիկեան ռազմական MV-22B Osprey օդանաւը, որուն մէջ գտնուած է անձնակազմի չորս անդամ:
Կը նշուի, որ ԱՄՆ ծովային հետեւակին պատկանող օդանաւը մասնակցած է ՆԱԹՕ-ի «Պաղ պատասխան» կոչուող զօրավարժութիւններուն: Արկածը տեղի ունեցած է եղանակային դժուարին պայմաններու պատճառով` Նորտլենտ շրջանին մէջ:
Փրկարարական ուղղաթիռը եւ նորվեկիական «Օրիոն» ռազմական օդանաւը որոնողական աշխատանքներու ժամանակ յայտնաբերած են կործանուած օդանաւին բեկորները:
Նորվեկիոյ ոստիկանութիւնը հաստատած է բեկորներու յայտնաբերումը` նշելով, որ անոնց մօտ «կենդանութեան նշաններ չկան»:
