4.09c
Երեվան
երկ, դկտ 23
«Շաբաթներ տեւած բանակցութիւններէ յետոյ մենք այսօր, առաւել քան երբեւէ, մօտ ենք միջուկայինի շուրջ համաձայնագրին», Թուիթըրի իր էջով գրած է Իրանի արտաքին գործոց փոխնախարար, Գործողութիւններու համատեղ համապարփակ ծրագրի վերսկսման շուրջ իրանցի բանակցող Ալի Պաղերին: «Բանակցութիւններուն մէջ մեր գործընկերները պէտք է իրատես ըլլան, խուսափին անզիջում կեցուածքէն եւ դասեր քաղեն վերջին չորս տարիներէն: Ժամանակն է, որ անոնք լուրջ որոշումներ կայացնեն», յայտնած է դիւանագէտը:
Իր հերթին, ԱՄՆ Պետական քարտուղարութեան ներկայացուցիչ Նետ Փրայս յայտնած է, որ ԱՄՆ կը գտնուի Իրանի հետ անուղղակի բանակցութիւններու վերջին փուլին, որուն նպատակն է 2015 թուականի համաձայնագիրը փրկելը: «Սա իսկապէս վճռորոշ ժամանակաշրջան է, որու ընթացքին մենք պիտի կարենանք պարզել` արդեօ՞ք կողմերը երկուստեք կը վերադառնան միջուկային համաձանյագրի պահպանման, թէ՞ ոչ», ըսած է Փրայս:
