Հայաստանի Հանրապետութեան կողմէ Արցախի Հանրապետութեան շարք մը բնակավայրերու բնակչութեան իրաւունքներու պաշտպանութեան համար, Մարդու իրաւունքներու եւրոպական դատարանը (ՄԻԵԴ) ներկայացուած միջանկեալ միջոց կիրարկելու մասին պահանջի հիման վրայ, 19 Օգոստոսին, դատարանը վերահաստատած է 29 Սեպտեմբեր 2020ին կիրարկուած եւ նոյն տարուան 3 Նոյեմբերին առաւել ընդլայնած միջանկեալ միջոցը` նշելով, որ անիկա կը շարունակէ ուժի մէջ մնալ: Այս մասին յայտարարութեան մը միջոցաւ յայտնած է Միջազգային իրաւական հարցերու Հայաստանի ներկայացուցիչի գրասենեակը:
«ՄԻԵԴը կողմերին հրաւիրել է ձեռնպահ մնալ այնպիսի գործողութիւններից, որոնք կարող են յանգեցնել քաղաքացիական բնակչութեան Կոնվենցիայով (պայմանագիրով) պաշտպանուող իրաւունքների խախտմանը, այդ թւում նրանց` Կոնվենցիայի 2րդ, 3րդ եւ 8րդ յօդուածներով պաշտպանուող իրաւունքները վտանգի տակ դնելուց»,-ըսուած է յայտարարութեան մէջ:
Դատարանը նաեւ արձանագրած է, որ Հայաստանի կառավարութեան վկայակոչած իրադարձութիւններուն, այն է` խաղաղ բնակավայրերու ուղղութեամբ իրականացուող զինուած յարձակումներ, Բերձոր եւ Աղաւնոյ համայնքներու բնակչութեան տեղահանման սպառնալիքներ, որոնց համար կիրարկելի է 29 Սեպտեմբեր 2020ին տրուած եւ մինչեւ օրս ուժի մէջ եղող որոշումը: