«Մենք կը պաշտպանենք Հայաստանի տարածքային ամբողջականութիւնը». Հայաստանի մէջ Իրանի դեսպան

«Մենք կը պաշտպանենք Հայաստանի տարածքային ամբողջականութիւնը». Հայաստանի մէջ Իրանի դեսպան

Մենք կը պաշտպանենք ՀՀ տարածքային ամբողջականութիւնը եւ ինքիշխանութիւնը։ Այս մասին Երեւանի մէջ ընթացող տնտեսական ցուցահանդէսի ժամանակ յայտարարած է Հայաստանի մէջ Իրանի դեսպան Մեհտի Սոպհանին։

«Մենք քայլեր կը ձեռնարկենք այս ուղղութեամբ»,–ըսած է դեսպանը։

Սոպհանիի խօսքով, Իրանը սկզբունքային քաղաքականութիւն ունի՝ զարգացնելու բոլոր ոլորտներու մէջ Հայաստանի հետ յարաբերութիւնները. «Մեր քաղաքականութեան կարեւորագոյն ուղղութիւններէն է հարեւան երկիրներու հետ յարաբերութիւններու զարգացումը։ Իրանը եւ Հայաստանը ոչ մէկ մակարդակի վրայ եւ ոչ մէկ ոլորտի մէջ խնդիր ունեցած են։ Ինչ կը վերաբերի տնտեսութեան, տարեկան մեր առեւտրաշրջանառութիւնը կը կազմէ 700 միլիոն տոլար, սակայն երկու երկիրները նպատակ դրած են իրենց առաջ հասցնել այն մինչեւ 3 միլիառ տոլարի»։