2.09c
Երեվան
երք, փտր 03
Լոս Անճելըս գաւառի վերահսկիչներու խորհուրդը միաձայնութեամբ գաւառին Տարեցներու եւ անկարութիւններ ունեցողներու բաժանմունքին վարիչ նշանակեց այդ ոլորտի վաստակաւոր մասնագէտներէն Մարալ Գարակէօզեանը, որ կը հանդիսանայ գաւառի բաժանմունքի մը առաջին հայ վարիչը:
Գարակէօզեան առաւել քան երկու տասնամեակներու փորձառութիւն ունի այս մարզին մէջ եւ անդամ է այդ հարցերը հետապնդող գաւառային յանձնաժողովին:
Այս առիթով, Լոս Անճելըս գաւառի վերահսկիչներու խորհուրդի անդամ Հիլտա Սոլիս դրուատեց գաւառի տարեցներուն, մանուկներուն եւ անկարներուն կեանքի պայմանները բարելաւելու նպատակով Գարակէօզեանի երկար տարիներու սպասարկութիւնները
Գարակէօզեան, որ մասնագիտացած է UCLA եւ USC համալսարաններուն մէջ՝ իրեն համար պատիւ համարեց այս նշանակումը, յոյժ կենսական նկատելով բաժանմունքին տրամադրած սպասարկութիւնները:
