6.1c
Երեվան
շբթ, մրտ 22
Լեռնային Ղարաբաղի Շուշի քաղաքին մէջ Հիւսիսային Կիպրոսի ներկայացուցիչի հետ Հունգարիոյ վարչապետ Վիքթոր Օրպանի մասնակցութիւնը Թրքական պետութիւններու կազմակերպութեան գագաթնաժողովին խայտառակութիւն է Հունգարիոյ համար։ Այս մասին իր X-ի էջին գրած է Եւրոպական խորհրդարանի անվտանգային ու պաշտպանական հարցերով կոմիտէի նախագահ Նաթալի Լուազօն։
Եւրոպական խորհրդարանի պատգամաւորի խօսքով՝ այս այցը գայթակղութիւն է Եւրոպայի համար:
«Արդե՞օք Հունգարիոյ վարչապետ Օրպանը կասկածի տակ կը դնէ Կիպրոսի խնդիրը», - գրած է ան՝ կից հրապարակելով Օրպանի՝ Շուշի այցէն լուսանկար։
Նշենք, որ աւելի վաղ ԵՄ-ն դժգոհած է Օրպանի՝ բռնագրաւուած Շուշիի մէջ Թրքական պետութիւններու կազմակերպութեան ոչ պաշտօնական գագաթնաժողովին մասնակցութենէն։ Այս մասին յայտարարած է ԵՄ արտաքին եւ անվտանգութեան քաղաքականութեան հարցերով բարձր ներկայացուցիչ Ժոզեփ Պորելը:
