8.09c
Երեվան
երկ, դկտ 08
Կրթութեան, գիտութեան, մշակոյթի եւ մարզանքի (ԿԳՄՍ) նախարարութիւնը կը տեղեկացնէ, որ 39 տարեկանին կեանքէն անժամանակ հեռացած է անուանի բռնցքամարտիկ, Հայաստանի 8-ակի ախոյեան Վանես Մարտիրոսեանը։
Վանես Մարտիրոսեանը Միացեալ Նահանգներու Golden Gloves տիտղոսի դափնեկիր էր, ինչպէս նաեւ 2004 թուականի ողիմպիական խաղերու մասնակից։ Մասնագիտական ռինկի մէջ ամերիկահայ բռնցքամարտիկն ունեցած է 41 մենամարտ՝ տանելով 36 յաղթանակ:
Ասպարէզի ընթացքին ան նուաճած է NABF աշխարհի ախոյեանի կոչումը, NABO-ի vacant տիտղոսը, WBA International, WBC Silver եւ WBO Inter-Continental գօտիները առաջին միջին քաշային կարգի մէջ։ Վանես Մարտիրոսեանի վերջին մենամարտը կայացած էր 2018 թուականին:
«կրթութեան, գիտութեան, մշակոյթի եւ մարզանքի նախարարութիւնն իր վշտակցութիւնն է յայտնում անուանի բռնցքամարտիկի ընտանիքին, հարազատներին, ընկերներին ու հայկական սպորտի երկրպագուներին»,- ըսուած է հաղորդագրութեան մէջ։
