22.09c
Երեվան
երկ, հլս 01
Միացեալ նահանգներու Ճորճիա նահանգի Աթլանթա քաղաքին մէջ՝ CNN-ի տաղաւարին մէջ, տեղի ունեցած է նախընտրական առաջին բանավէճը ԱՄՆ-ի նախագահի պաշտօնի առաջատար յաւակնորդներու՝ գործող նախագահ Ճօ Պայտընի եւ նախկին նախագահ Տանըլտ Թրամփի միջեւ:
Հեռուստադիտողներու 67%-ի կարծիքով՝ հանրապետական թեկնածուն գերազանցած է գործող նախագահը. այս մասին կը վկայեն CNN-ի հարցման արդիւնքները։
Համաձայն արդիւնքներուն՝ հեռուստադիտողներու միայն 33%-ը կը կարծէ, որ Ճօ Պայտըն աւելի լաւ հանդէս եկած է, քան իր մրցակիցը։
CNN-ը նշած է, որ հարցման արդիւնքները չեն արտացոլեր բոլոր ընտրողներու կարծիքը: Ընդ որում, հեռուստաալիքը եւ անոր լսարանը կը համարուին Դեմոկրատական կուսակցութեան համակիրներ։
Հեռուստաալիքի տուեալներով՝ բանավէճէն առաջ ընտրողները (55% ընդդէմ 45%) ըսած են, որ կ՚ակնկալեն, որ Տանըլտ Թրամփ աւելի լաւ հանդէս կու գայ, քան ԱՄՆ ներկայիս նախագահը։
Նշենք, որ Պայտըն-Թրամփ հեռուստաբանավէճի ընթացքին հնչած են սուր յայտարարութիւններ։
«Կ՚ուզէ՞ք երրորդ համաշխարհային պատերազմը սկսի, ուրեմն՝ թոյլ տուէք Թրամփին յաղթել ընտրութիւններուն», -ըսած է Պայտըն:
Մինչդեռ Թրամփ հակադարձած է, որ «եթէ Պայտըն վերընտրուի, ԱՄՆ-էն, որպէս երկիր, ոչինչ կը մնայ»: Ըստ հանրապետականի՝ «ան ԱՄՆ պատմութեան մէջ վատագոյն նախագահն է»:
«Մեր ուժը դաշինքի մէջ է, իսկ Թրամփ կ՚ուզէ մեզ ՆԱԹՕ-էն հանել», - շարունակած է Պայտըն:
Թրամփն ալ ըսած է, որ «եթէ ունենային իսկական նախագահ, նախագահ, որուն Ռուսիոյ նախագահ Վլատիմիր Փութինը կը յարգէր, ան երբեք չէր ներխուժեր Ուքրանիա»:
