6.09c
Երեվան
չրք, դկտ 24
Կարմիր Խաչի Միջազգային Կոմիտէի ներկայացուցիչները այցելած են Լաչինի միջանցքին մէջ ձերբակալուած բուժառու՝ Վագիֆ Խաչատրեանին։ Այս մասին յայտարարութիւն տարածած է Կարմիր Խաչի միջազգային կոմիտէի հայաստանեան գրասենեակը:
«Անոր հետ հանդիպած են մեր պատուիրակները, որոնցմէ մէկը բժիշկ է, եւ անոր հնարաւորութիւն տրուած է կապ հաստատելու ընտանիքի հետ»,- ըսուած է յայտարարութեան մէջ։
Աւելի վաղ յայտնած էինք, որ Հակարիի անցակէտէն ատրպէյճանցիները առեւանգած են Կարմիր Խաչի միջազգային կոմիտէի ուղեկցութեամբ Հայաստան մեկնող 68-ամեայ Վագիֆ Խաչատրեանը։ Ատրպէյճանի գլխաւոր դատախազութիւնը յայտարարած է, որ ան ձերբակալուած է։ Վագիֆ Խաչատրեանը, ըստ մեղադրանքի, իբր յանցաւոր խումբ ստեղծած է, որ 1991-ի 21 դեկտեմբերին մասնակցած է Խոճալուի շրջանի Մեշալի գիւղի բնակիչներու դէմ յանցագործութիւններուն:
