4.09c
Երեվան
ուրբ, փտր 27
Իրան պատրաստ է բաւարարել տարածաշրջանի դէպի ծով ելք չունեցող 8 երկիրներու տարանցիկ կարիքները։ Այս մասին յայտարարած է Իրանի ճանապարհներու եւ քաղաքաշինութեան նախարար Ռոսթամ Ղամէմին՝ Թրքմենստանի մէջ դէպի ծով ելք չունեցող զարգացող երկիրներու փոխադրային ֆորումին։
«Աշխարհի 32 զարգացող երկիրներու քառորդը, որոնք ելք չունին դէպի ծով, այսինքն՝ 8 երկիրներ՝ Աֆղանստան, Հայաստան, Ատրպէյճան, Ղազախստան, Ղրղըզստան, Տաճիկստան, Թուրքմենստան եւ Ուզպեքստան, ունին սերտ երկկողմ եւ բազմակողմ տարանցիկ փոխգործակցութիւն Իրանի հետ»,- նշած է ան։
Ըստ անոր՝ այդ կը նշանակէ, որ Իրանը եւ տարածաշրջանի այլ երկիրներ կ'օգնեն դէպի ծով ելք չունեցող երկիրներուն՝ կրճատելու առեւտուրի ծախսերն ու դիւրացնելու մուտքը դէպի համաշխարհային շուկայ:
