-3.91c
Երեվան
շբթ, փտր 21
Կիպրահայ համայնքային գործիչ՝ Երան Գույումճեան կը գրէ՝
Մենք երեսուն տարուան մէջ, պիտի ազատագրէինք ամբողջ Արցախը, բայց ցաւօք, զայն կորսնցուցինք՝ մեր գզուըռտոցներով, մեր թալանով ու կողոպուտով, մեր ես-երու եւ խմբակային շահերու նկատառումներով, կուսակցական-հատուածական պառակտումներով, մեր անմիաբանութեամբ, մեր ամբարտաւան եւ գոռոզամիտ վարքով, օտարամոլութեամբ, եւ ընչաքաղցութեամբ, համազգային-պետական ծրագրի ու ռազմավարութեան բացակայութեամբ, պետութիւն վարելու գործը շփոթելով կուսակցավարութեան հետ...
Կանգ առնենք պահ մը եւ քննական մտածողութեամբ նայինք մեր ըրած-չըրածին, ճանչնանք վերջապէս մենք զմեզ, ընդունինք մեր սխալները, դասեր քաղենք անոնցմէ, քանզի մենք ա՛լ սխալուելու իրաւունք չունինք ազգովին: Այս պարտութիւնը պէտք է առաւել ոյժ եւ կամք դարբնէ մեր մէջ հզօրանալու եւ կորսուածը ետ բերելու: Աստուած մեզ պահապան:
