8.09c
Երեվան
երկ, մրտ 30
Բնիկ հալէպահայ Յակոբ Յակոբեանի կարեւոր եւ հիմնական ճիգերուն շնորհիւ «Թուկեթըր» (Together) կազմակերպութիւնը կը շարունակէ իր կենսունակ գործունէութիւնը՝ հասնելով գաղութի անապահով խաւերուն եւ միաժամանակ մշակելով նոր ծրագիրներ՝ ուղղուած համայնքի թէ՛ հայ, թէ՛ տեղացի երիտասարդութեան։
Այս ծիրին մէջ, Հալէպի մէջ տեղի ունեցաւ «Մաան Թուկեթըր» ակադեմիայի վեցերորդ պարբերական հանդիպումը, որ համախմբեց շուրջ 70 առաջնորդներ եւ ծառայողներ Հայ Առաքելական եղբայրակցութենէն։
Հանդիպումը հարստացաւ յատկապէս պատուելի հիւր դասախօսի մասնակցութեամբ՝ խուրի Սառա Ղլորի, որ կը հանդիսանայ «Սոլթ – Երկրի Աղ» ծառայութեան տնօրէնը Հալէպի եւ Սուրիոյ հիւսիս-արեւելեան շրջաններուն մէջ, ինչպէս նաեւ նոյն ծառայութեան աշակերտութեան եւ մարզումներու ծրագիրներու պատասխանատուն։
Անոր դասախօսութիւնը կարեւոր ներշնչում եւ առաջնորդութիւն փոխանցեց ներկաներուն՝ ծառայութեան, նուիրումի եւ հաւատքի ուղիին վրայ։
Նշենք նաեւ, որ հանդիպման ընթացքին ամփոփիչ ելոյթով հանդէս եկաւ Տիար Յակոբ Յակոբեան, որ ներկայներուն փոխանցեց օրուայ խորհուրդը յատկանշող հուսկ բանքը։
