11.09c
Երեվան
երք, մրտ 11
ԱՄՆ նախկին նախագահ Դոնալդ Թրամփի մեղադրական եզրակացության մեջ ասվում է, որ Սպիտակ տան նախկին ղեկավարն արկղերում գտնված փաստաթղթերը «ներառում էր տեղեկություններ ինչպես Միացյալ Նահանգների, այնպես էլ օտարերկրյա պետությունների պաշտպանական և սպառազինության կարողությունների; Միացյալ Նահանգների միջուկային ծրագրերի; ռազմական հարձակման դեպքում Միացյալ Նահանգների և նրա դաշնակիցների հնարավոր խոցելիության, ինչպես նաև արտաքին հարձակմանն ի պատասխան հնարավոր պատասխան գործողությունների ծրագրերի մասին», ներառյալ գաղտնի քարտեզները: Այս մասին գրել է The Guardian-ը։
2022 թվականի օգոստոսին ԱՄՆ հետաքննության դաշնային բյուրոն Թրամփի՝ Ֆոլրիադայում Մար-ա-Լագոյի տանը հայտնաբերել էր պետական գաղտնի փաստաթղթեր, որոնք, ըստ մեղադրող կողմի, նախկին նախագահն իրավունք չուներ պահել իր մոտ։
Ենթադրյալ հանցագործությունները, որոնք մանրամասն նկարագրված էին, ավելի շատ էին և ավելի լուրջ, քան ի սկզբանե ենթադրվում էր հանրությունը։
«Այս գաղտնի փաստաթղթերի չարտոնված հանրայնացումը կարող է վտանգի ենթարկել Միացյալ Նահանգների ազգային անվտանգությունը, արտաքին հարաբերությունները, Միացյալ Նահանգների զինվորական և մարդկային ռեսուրսների անվտանգությունը և հետախուզության հավաքագրման զգայուն մեթոդների շարունակական կենսունակությունը», - ասվում է մեղադրական եզրակացության մեջ:
