Հայաստանի մէջ ԱՄՆ դեսպանը նոյն պաշտօնով պիտի գործուղուի Ռուսիա

Հայաստանի մէջ  ԱՄՆ դեսպանը նոյն պաշտօնով պիտի գործուղուի Ռուսիա

Միացեալ Նահանգներու նախագահ Ճօ Պայտըն Հայաստանի մէջ ԱՄՆ դեսպան Լին Թրէյսիին առաջարկած է Ռուսիոյ մէջ ԱՄՆ դեսպանի պաշտօնին։ Այս մասին հաղորդած է «Ռիա Նովոստի»ն։

Նախագահի առաջարկած դեսպանները կը հաստատուին Սենատի կողմէ հանրային լսումներով եւ պէտք է համաձայնեցուին ընդունող երկրի հետ:

Ռուսիոյ մէջ ԱՄՆ Նախկին դեսպան Ճոն Սալիւան վերջերս աւարտեց գրեթէ երեք տարուայ առաքելութիւնը՝ հիւանդութեան եւ կնոջ մահուան պատճառով:

Թրէյսին պիտի ըլլայ պատմութեան մէջ առաջին կինը, որ կը զբաղցնէ ԱՄՆ դեսպանի պաշտօնը Ռուսիոյ մէջ:

Ան կը տիրապետէ ռուսերէնին եւ արդէն աշխատած է Մոսկուայի մէջ՝ 2014-2017 թուականներուն։ Ան ծառայած է որպէս դիւանագիտական առաքելութեան ղեկավարի տեղակալ։