Անգարայի մէջ հանդիպած են Ռուսիոյ արտաքին գործոց նախարարի տեղակալ Միխայիլ Կալուզինը եւ Թուրքիոյ արտաքին գործոց նախարարի տեղակալ Պուրաք Աքչափարը:
Ռուսիոյ արտաքին գործոց նախարարութեան հաղորդագրութեան համաձայն՝ քննարկուած է ուքրանական ճգնաժամը, ներառեալ՝ ատոր քաղաքական-դիւանագիտական կարգաւորման հեռանկարները։
«Կողմերը համադրած են իրենց տեսակէտները Հարաւային Կովկասի մէջ տիրող իրավիճակի վերաբերեալ՝ շեշտելով հայ-ատրպէյճանական կապերու կարգաւորման գործընթացի կարեւորութիւնը եւ ատոր աջակցիլը առաջին հերթին տարածաշրջանային ձեւաչափերու շրջածիրէն ներս»,-ըսուած է հաղորդագրութեան մէջ:
Անդրադարձ եղած է նաեւ Կեդրոնական Ասիոյ երկիրներու հետ փոխգործակցութեան, ինչպէս նաեւ երկկողմ օրակարգին: