32.09c
Երեվան
կրկ, օգս 16
Արարատի մարզի Արաքսաւան եւ Բուրաստան համայնքներու շրջանին մէջ Արաքս գետը նախկին հուն վերադարձնելու համար պատնէշի կառուցման արժէքը կը կազմէ մօտ 1 միլիոն տոլար:
ArmeniaSputnik-ի հարցման ի պատասխան այս մասին յայտնած են ՀՀ տարածքային կառավարման եւ ենթակառուցուածքներու նախարարութեան մամուլի ծառայութենէն։
Ֆինանսաւորման աղբիւրի մասին հարցին նախարարութենէն պատասխանած են, որ «ներկայում համապատասխան քննարկումներ են ընթանում»:
Նախագծանախահաշուային փաստաթուղթերով` շինարարական աշխատանքներու տեւողութիւնը կը կազմէ 16 ամիս՝ պայմանագիրն ուժի մէջ մտնելու պահէն սկսեալ:
Ինչ կը վերաբերի նախագիծի արժէքին` ըստ նախագծային փաստաթուղթերու` շինարարական աշխատանքներու, ինչպէս նաեւ որակի տեխնիկական եւ հեղինակային հսկողութեան համար կը պահանջուի շուրջ 384,7 միլիոն դրամ, որմէ 378 միլիոնը շինարարական աշխատանքներու, մօտ 5 միլիոնը տեխնիկական հսկողութեան, 1,5 միլիոնն ալ հեղինակային հսկողութեան համար։
